Main kyu na chamku chaand si?

 

Main kyu na chamku chaand si?

 

Chaand hu ya chaandni

main tod hu ya baandhni

Main yudh hu ya hu dhara

Main Neel hu ya sursara

 

Main thaan lu toh jeet hu

Jo maan lu toh haar bhi

Main yudh ki pukaar hu

Toh bhaagwat ka saar bhi

 

Main hu ghadi ubaal ki

Ya ghata taras ke praan ki

Prataap hu main kaal ki

Ya bhay hawas ke shikaar ki

 

Main hu disha vishal si

Ya hu dasha main kaal ki

Main veer ki prabhat si

Ya mitti mein milti raakh si

 

Main roshni vibhor si

Ghata bhi main ghanghor si

Main hu sehej kishor si

Toh kyu na chamku chaand si

 

Chamak jo nikli khaan se

Ye mann na maane shaan ke

Yeh sarr na nicha ho kabhi

Voh kaam hai apaar se

If you liked the poetry, then do mention in the comments down below and share it with your peers. Do subscribe to our blog for more such content. I hope you all enjoyed it. Have a great week ahead!